×
الرئيسية >

منتدى ارنوب

>

بيع لحوم الارانب

عدد الردود  
 

بيع لحوم الارانب

السلام عليكم
عندي مزرعة ارانب و عاوز اسوق الانتاج بتاعي ارانب مذبوحة ( لحم يعني ) ياريت حد يفدني ابيع لمين و بكام و هل يوجد تلفونات حد بيشتري يعني لو الكيلو حي ب 18 جنيه يبقي كيلو اللحم يبقى بكام
ياريت الاستاذ ارشد يعلق على الموضوع
و شكرا
علاء ابومسلم
  علاء ابومسلم
بتاريخ
2012-04-14
اخي علاء ممكن تقولي انت منين يعني لو قريب مني ممكن اشتري الارانب اللي عندك
  انا من فيصل ـ الجيزة
  Mostafa Kamal
بتاريخ
2012-04-15
يا استاذ مصطفى انت فهمتني غلط اولا انا من الزقازيق يعني بعيد عنك ثانيا انا عندي التجار اللى بتشيل ارانب حي زي حضرتك انا كنت عاوزك تفيدني في ازاي ابيعه لحم مدبوح زي حضرتك يعني انت بتلم من مربيين زيي بعد كده بتسوقه ازاي و الارزاق بتاعت ربنا يعني مش هقسمك في رزقك بس الواحد بيحب يطور من نفسه و انا اسف   علاء ابومسلم
بتاريخ
2012-04-15
احسن ناس يا عم علاء

هههههههههههههه الارزاق بيد الله ونعم بالله مقلناش حاجه  المهم انا مش تاجر انا عندي ارانب امهات بس المهم 
كل منطقه وليها سعر يعني بس انت ممكن تتعامل مع المحلات تنزل تلف علي محلات وتتكلم معاهم وتشوف السعر ايه عندك وعلي فكرة الموضوع علاقات يعني حاول تعمل علاقات مع الناس هتلاقي نفسك بتشتغل كويس انشاء الله 
اقولك علي حاجه انت لو هتبيع لمحل بيكون اقل من ما هو بيبيع بحوالي 2 جنيه عشان هو
يكسب لكن لو هتبيع لتاجر او مزرعه هيكون اقول ب حوالي 3 او 4 جنيه للكيلو  
 وربنا يوفقق ومشروعك يكبر انشاء الله بالتوفيق
  Mostafa Kamal
بتاريخ
2012-04-16
اخي الفاضل الاستاذ / علاء 
اولا : اعتذر عن التأخير في الرد وذلك بسبب انشغالي الفترة السابقة .
ثانياً : اشكرك علي صقتك بي واتمني ان اكون دائما عند حسن ظنك
- اما بالنسبة لسؤال حضرتك فأحب اوضحلك في البداية انه قليل جدا من التجار من يقبل علي موضوع ذبح الارنب ، اما التجار التي تتعامل مع الارانب اللي حضرتك بتتكلم عليهم فهم يبيعونه حي ايضاً مثلما تبيعه انت ولكن مكسبهم في فرق السعر بين المحافظات كما قال الاستاذ / مصطفي ، بالاضافة الي ان معظم الناس تفضل شراء الارنب حي للتأكد من سلامته ثم تقوم بذبحه حيث انه حيوان سهل الذبح ، اما بالنسبة لموضوع تسويق الارنب مذبوح فهو موجود بالفعل في بعض المحافظات مثل القاهرة والاسماعيلية وموجود في كارفور ولكن الموضوع دا يحتاج الي تراخيص وتكاليف عالية يكفي مثلا انك تحتاج الي سيارة مجهزه بثلاجة حتي تتمكن من نقل الارانب بالاضافة الي ان التعامل مع الحيوانات المذبوحه يعتمد في الاساس علي الاسم والسمعه والامكانيات وهو ما يصعب توفيره في البداية واعتقد ان ربحك في هذه الصفقة اقل من كل هذا العناء فلا انصحك بأن تقبل علي هذه الخطوه ولكن انصحك بأستغلال فرق السعر بين المحافظات كما قال الاستاذ / مصطفي حيث انه موضوع غير مكلف يعني حاول تنزل لمحلات الفراخ في القاهرة والاسواق واتفق مع التجار انك توردلهم لحم لو قدرت تحصل علي فرق 2 جنية في الكيلو هيبقي الموضوع دا كويس يعني الارنب بيتباع للتجار دلوقتي بـ 19 جنية في الشرقية وانا اعلم انه يباع في القاهرة بـ 22 جنية انصحك بأستغلال هذا الفرق بأن تجمع الارانب من المزارع التي بجوارك وتذهب لتسويقها في القاهرة او الاسماعيلية ، مع العلم بأن سعر كيلو الارانب مذبوح يباع بـ 35 جنية تقريباً
والله الموفق 
  ارشد عصام
بتاريخ
2012-04-18
انا متشكر قوي يا استاذ ارشد على رد حضرتك و الافادة   علاء ابومسلم
بتاريخ
2012-04-18