×
الرئيسية >

منتدى ارنوب

>

طريقة بسيطة لتخفيض درجة حرارة العنبر في الصيف

عدد الردود  
 

طريقة بسيطة لتخفيض درجة حرارة العنبر في الصيف

كيفية تخفيض درجة حراة العنبر في الصيف

لسلام عليكم ورحمه الله
فى هذا الموضوع
طريقه لتخفيض درجه حراره العنبر فى الصيف
وأنا عرضت عليه فيديوهات من اليوتيوب لأفكار مبسطه عن المبرد الصحراوى
وكنت كتبت إنى هحاول أنفذ الفكره الثانيه فى الموضوع
والنهارده وبعد تنفيذ الفكره حبيت أعرض النتيجه عليكم مصحوبه بالصور

ده الشكل العام للصفيحه وعليها المروحه من فوق

تكبير الصورة تم تعديل ابعاد هذه الصورة. انقر هنا لمعاينتها بأبعادها الأصلية.

وده شكل الصفيحه من جوه وبداخلها صفايه قبل ما أحط عليها الثلج

ودى الفتحات المعموله فى جنب الصفيحه علشان المروحه تسحب منها الهوا فيمر منها على فتحات الصفايه
ويمر على الثلج ويخرج هوا بارد من المروحه


وده شكل الصفيحه وهى فيها الثلج


وطبعا اللى هايشوف الفيديو الموجود  أكيد هايفهم شرح الفكره بشكل أفضل من كلامى
أنا بس حبيت أعرض صور للتنفيذ قبل ما أقول النتايج

أنا حطيت الصفيحه فى صندوق أبعاده عرض 50 × طول 50 × ارتفاع 35 سم
موجود فى غرفه درجه حرارتها 23 درجه والمروحه كانت شغاله على سرعه متوسطه على 7.5 فولت
وحطيت الصفيحه والترومتر فى الصندوق وقفلت عليهم لمده 10 دقائق
والمفاجأه إنى وجدت الحراره فى الصندوق 16 درجه بعد 10 دقائق تشغيل فقط !!!!!!!!!!!!!!
يعنى الحراره نزلت 7 درجات فى 10 دقائق فقط بس طبعا لازم نعمل حسابنا إننا عملنا التجربه فى صندوق صغير
و بعد ما فرحت بالنتيجه المذهله دى فتحت الصندوق وطلعت الصفيحه إلى جو الغرفه (3×3م) اللى حرارتها 23 درجه
ورفعت سرعه دوران المروحه على 12 فولت وتركتها لمده 45 دقيقه وباب الغرفه مغلق طبعا
وكانت النتيجه (لاشئ) درجه الحراره بعد ما كانت 16 لما خرجت الترمومتر من الصندوق رجعت 23 مره تانيه

يعنى نفهم من كده ان المبرد الصحوارى علشان يجيب نتيجه لازم يكون حجمه وكميه الهواء الخارجه منه
متناسبان مع مساحه المكان اللى هايشتغل فيه أو على الأقل نترك المبرد فى المكات لفتره طويله
حتى يحدث الإستطراق الكافى لدرجه الحراره

نسالكم الدعاء مع تحيات مؤسسة سلمي لانتاج الارانب لمزيد من المعلومات عن الارانب http://salmarabbitsco.blogspot.com/

  salmarabbitsco
بتاريخ
2012-04-30
فكرة جميلة جداَ

جزاك الله كل خير
  محمد الاشرم
بتاريخ
2012-04-30
بجد جميييييييييييييييييييييلة جدا  جزاك الله خير   ahmed
بتاريخ
2012-05-02