×
الرئيسية >

منتدى ارنوب

>

ما هو تقييمك لسوق الارانب بالموقع ؟

عدد الردود  
 

ما هو تقييمك لسوق الارانب بالموقع ؟

السادة اعضاء ارنوب الكرام

هل يقوم سوق الارانب بتلبية احتياجاتكم ام لا

وما رأيك فيه

وما هى اقتراحاتكم لتطوير السوق بحيث يلبى احتياجات جميع الاعضاء
  م / أحيد عصام
بتاريخ
2012-06-11
بصراحة يا باشمهندس انا بقالي كتير قوي عضو معاكو و بعمل تعليقات و بحط اعلانات عن انتاجي بس لحد الان مش شايف اي نتيجة ايجابية كل تعاملاتي مع التجار اللى انا عارفهم برة الموقع محدش طلب مني لحد الان حاجة ده بالنسبة للتسويق
بس بالنسبة للموقع جميل جدا وفادني ساحة الحوار و استفدت من برنامج مزرعتي و استفدت من المعلومات الموجودة فيه و انا يوميا بفتح الموقع ده دليل اني اعجبت بيه ومش معني اني مبعتش عن طريقة ان بكده يبقى عيب
وربنا يبارك ليكو
انا اسف على المصداقية
علاء ابومسلم
  علاء ابومسلم
بتاريخ
2012-06-12
لأ طبعاً انا بشكرك جداً على صراحتك ، وهوا دا اللى انا محتاجه " الصراحة " علشان نقدر نطور الموقع بشكل يرضى كل الأعضاء
وفعلاً يا استاذ / علاء انت عندك حق واعتقد ان سبب المشكلة دى هيا ان اغلب اللى مسجلين فى دليل ارنوب مربين ولكن تجار اللحوم ومستلزمات الارانب قليلين
وياريت يكون للاعضاء دور فى تطوير الدليل بدعوتهم للتجار واصحاب شركات المستلزمات بانهم يسجلو اسمائهم فى الدليل
لأن دا هيفيد الكل وهيوسع دائرة التعامل وهيحل المشكلة اللى حضرتك قولت عليها
وبشكرك مرة تانية على صراحتك وبجد شرف لينا وجودك فى الموقع
  م / أحيد عصام
بتاريخ
2012-06-12
السلام عليكم احبائي في الله 
 انا من كتر اعجابي بالموقع ومواضيعه تقريباً الموقع ده مفتوح عندي علطول
لاني اتعلمت منه كتير ومتهيقلي لو مكنتش عرفت ارنوب كان زماني نهيت المشروع من زمان

بس كان ليه تعليق

اولاً لو ممكن يتعمل جدول باسماء الادويه الموصوق فيها لكل الامراض وطريقه الاستخدام
ثانياً بالنسبه لاسعار اللحم هل يوجد طريقه نتعرف بيها علي سعر اللحم كل فترة
ثالثاُ بالنسبه للسوق يحتاج الي بعض التجار لتلبي حاجه البائعين ههههه 
وشكراً

مع اطيب تمنياتي بالتوفيق انشاء الله  
  Mostafa Kamal
بتاريخ
2012-06-12
شكراً يا استاذ مصطفى
بالنسبة لموضوع الأدوية فكرة جميلة جداً جداً وان شاء الله تتنفذ قريب
اما بالنسبة للاسعار فـ بالفعل فى مشروع بورصة لللارانب شغال فيه وان شاء الله هينزل قريب على ارنوب وبإذن الله هيعجبك
بالنسبة للسوق ففعلاً كلنا بنعانى من قلة وجود التجار وياريت لو تقدرو تساعدونا فى الموضوع دا 
  م / أحيد عصام
بتاريخ
2012-06-12
السلام عليكم جميعا
بداية انا متشكر جدا على مجهود القائمين على الموقع وبالفعل انا اتعلمت منه كتير وحاطت مشروعى على مزرعتى فى الموقع وكل يوم بأدخل علشان مزرعتى وساحة الحوار 
وبالنسبة للسوق انا بادعى كل اللى أعرفه وبيتعامل مع الارانب للاشتراك فى الموقع بس بصراحة انا تعليقى الوحيد فى موضوع السوق ان اللى بيعرض منتج مبيصرحش بالسعر وبيفرض عليا التصال التليفونى به وأعتقد ان الاسعار لو موجودة المنافسة هتبقى اقوىو كنت اشتريت كتير والاهم  ان عمليت اللبيع والشراء تتم تحت اشراف ادارة الموقع مقابل عمولة بسيطة لضمان المصداقية
وعلى فكرة انا ببعت على الاميل للبائع ونادرا لما حد بيرد عليا من البائعين على الاميل وأخيرا جزاكم الله خير الجزاء على المجهود  المبذول  فى الموقع 
  اسامة
بتاريخ
2012-06-12
الف شكر يا استاذ / اسامة
والموقع منور باعضاء وبجد انتو اجدع اعضاء
وفعلاً عندك حق المفروض ان الناس تكتب الاسعار على الأقل علشان اللى يشوف المنتج يحس بمصداقية فى التعامل
اما بالنسبة لموضوع العمولة فدا شئ ملهوش داعى وهدفنا فى الموقع اننا نصنع عالم خاص بكل اللى يتعاملو مع الارانب بحيث انك لما تدخل الموقع تلاقى كل اللى بتدور عليه
وجزاك الله خير على مجهودك على الموقع
  م / أحيد عصام
بتاريخ
2012-06-12